10. majā muzejī „Ondrupinis lauku sāta” Kroma kolna bruoliste paļeidzieja gatavuotīs ļelajai cepļa attaiseišonai. Interesenti varieja īsasaisteit rodūšajuos darbneicuos i spēlēs, kurys vadeja Kroma kolna bruoliste. Sovukuort cepļa pīpiļdeišonai kotrs varēja īt tolkā, pagatavejūt sovu muola figureņu voi trauceņu kūpā ar Vēsmu Ušpeli nu bīdreibys “Malny Wylky”.
Pasuokumā tyka atkluota ari Oduma Kuopusteņa dorbu izstuode “Muols caur guni iz pūdu”, kas vēļ byus apsaverama leluo cepļa attaiseišonys dīnā.
Muzejs “Ondrupinis lauku sāta” ir 19. godu symta beigu i 20. godu symta suoku Latgolys sadzeivis i tradiceju paudiejs, kas durovys interesentim attaisejs jau 2000. godā. Muzeja kompleksā suokumā ītylpa 6 kuormi, kas izvītuoti kai prototips tipiskai latgalīšu lauku sātai.
Tai kai pūdnīka omots Latgolā ir vīna nu zynomuokajom namaterialuo kulturys montuojuma prasmem, muzejā tyka suokta i ituo gods suokumā pabeigta ari pūdnīku sāta ar lelū cepli, kuru attaiseis 23. majī.