Kotra goda prīkšpiedejā augusta nedlī Kroma kolnā nūtik ikgodejī Kroma kolna svātki, kod kūpā saīt visi bīdri, bīdreibys draugi i interesenti. Šūgod Kroma kolna svātki nūtiks 22. augustā 14:00 Dagdys nūvoda Pušys Zundūs, Prīžu kolnā. Svātkūs tiks gūdynuoti aktīvuokī bīdreibys bīdri i uzjemti arī jauņī.
Svātku laikā interesentim byus vareiba īsasaisteit senejū latgaļu omotu i prasmju darbneicuos, tematiskuos spāļuos i aktivitātuos, cīņu paraugdemonstrejumūs i turnīrūs, kai arī redzāt, kai teik īgyuta dzeivuo guņs ļelajam svātku gunskuram.
Svātkūs daleibu jems arī Daugavpiļs viesturis modelēšonys klubs „Robeža”, un Boltkrīvejis viduslaiku rekonstrukcejis klubs "Варгенторн", Ludzys Amatņīku centrs, kūgrīzieji nu Lītuvys Rita un Gedimins Kairi, muzicēs folklorys kūpa „Egle” nu Viļakys nūvoda i Vorkavys nūvada jaunīšu folkloras kūpa „Sudobri”.
Goldā tyks lykts iz vītys gatovuots iedīns, maize byus nu Aglonys maizis muzeja, ols nu Bierzpils, sīrs nu Rušonys pogosta zemnīku sātys "Juri" i špeks nu "Latgolys golda".
Teik aicynuoti dasateikt daļeibai arī citi senejuo dzeivisveida kūpieji, omotnīki i sātys ražuotuoji.
Vaira informacejis: +371 26352522